【蘇good奧運會】今屆東京奧運會，香港隊到目前為止嘅戰績已經相當彪炳，破紀錄地奪得一金兩銀，當中兩面銀牌都係由游泳項目所產生，相信之後都會多好多家長帶小朋友去學游水；劍擊選手張家朗就更加厲害，憑住花劍項目勇奪金牌，比賽過程更盡顯瀟灑劍風相當有型，絕對有機會令到花劍呢項比較冷門嘅項目喺未來成為大眾嘅興趣，因為大家都想成為下一個張家朗嘛。