【酒精搓手液搓上癮】 相信大家唔多唔少都已經習慣咗喺疫情底下嘅一啲生活細節，就以酒精搓手液消毒雙手為例，初時都需要啲時間去養成呢個習慣，但當真係習慣咗之後，你會發現直情有上癮嘅跡象，例如撳lift後要消毒、食飯前要消毒、推門後當然都要消毒。而小編曾經有一個好奇怪嘅想法，就係喺我用搓手液嘅前同後，我都會諗吓究竟我洗唔洗用搓手液消毒自己雙手呢?!?! 睇嚟小編真係已經上咗癮，不過都無壊嘅，注意自己雙手衛生都係一件好事，希望各位裕粉都謹記注意衛生，携手共同抗疫，祝大家身體健康!